|
Deltakerane
får først utdelt
ridehjelm og hestar. Deretter
gir turleiaren ei kort
orientering om turen og om
handtering av hestane. Utstyr
blir tilpassa og turen startar.
Først rir me på
bilveg ei stund, slik at
deltakarane får sitje seg
litt "varme" i salen før
me går inn i terrenget.
Når me så kjem inn i
terrenget byrjar stigninga opp
til Uburen med det same. Dei
første bakkane er lange,
bratte, og steinete. Mange
får her eit godt inntrykk
av kva islandshestane er gode
for.
Etter denne
klatringa flatar terrenget ut og
me får følelsen av
å vere på
høgfjellet. Så er
me allereie i nær 400
meters høgde også.
Her får me flott utsikt
over Rossavik, og indre del av
Høgsfjorden. Utover mot
endepunktet får me no ein
behageleg og fin sti. Litt opp
og litt ned, og med god utsikt
heile vegen.
Heilt framme
står me 416 meter over
havet, og kan nyta ein
fantastisk utsikt utover mot
Boknafjordbassenget. Me ser
Lysefjordmunningen,
Forsandbygda, Lauvik -
Høle - Ims, Stavanger, ja
heilt til Karmøy og Bokn
på godversdagar. Her har
me ein kort pause, før me
vender heimover att.
Tilbaketuren
går i same traséen
som opp, men me får ein
heilt annan opplevelse fordi det
blir så mange
nedoverbakkar. Ein del fryktar
desse bakkane, men når det
heile er unnagjort, og alt er
gått godt, så ligg
smilet heilt opp i dagen!
Turen
går gjennom forholdsvis
tøft terreng, men tempoet
blir halde lågt, så
sjølv om mange uerfarne
er med på turen, så
er me sparte for alvorlege
uhell.
Sagt om
turen: "Fantastiske hester",
"For en utsikt",
"Ikke tur for pyser",
"Skummelt", "Spektakulær
tur"
Oversikt over
turar/påmelding her
I forbindelse med
påmelding kjem det eit
komentar-felt. I dette feltet ber
me dykk skrive inn litt om kva
erfaring de har med ridning.
Spørsmål til oss
må ikkje skrivast i dette
feltet, men på eigen epost,
evt bruk kontaktsjema frå
startmenyen.
|
